Член Савета Рэспублікі: Канцэпцыя нацбяспекі змяніла падыходы да захавання стабільнасці ў краіне

30 красавіка, Мінск /Кар. БЕЛТА/. Канцэпцыя нацбяспекі змяніла падыходы да захавання стабільнасці ў краіне. Такім меркаваннем з карэспандэнтам БЕЛТА падзяліўся член Савета Рэспублікі Ігар Жук.

Паводле яго слоў, Канцэпцыя нацыянальнай бяспекі - гэта доўгачаканы дакумент, над якім працавала шмат людзей. "Усе праектныя рашэнні абмяркоўваліся грамадзянскай супольнасцю, прафесіяналамі і спецыялістамі. Усе разумеюць важнасць гэтага дакумента, паколькі ён вызначае асноўныя напрамкі нацыянальнай бяспекі - ад грамадзянскіх напрамкаў да ваеннай бяспекі. Гэта вельмі шматгранны і шматпрофільны дакумент. Ён мае вялікае стратэгічнае значэнне ў стварэнні паўнацэннай бяспекі нашай краіны", - сказаў Ігар Жук.

Ён падкрэсліў, што канцэпцыя змяніла падыходы да захавання стабільнасці па ўсіх напрамках: біялагічнай, медыцынскай, ваеннай і іншых бяспек. Сам Ігар Жук з Гродзенскай вобласці і, гаворачы пра свой рэгіён, ён упэўнены: усе жыхары адчуваюць асаблівую адказнасць за захаванне бяспекі. "Усе разумеюць важнасць гэтага ўчастка. Важнасць развіцця тэрытарыяльнай абароны і ўключэння ў яе ўсіх грамадзян, якія, не дай бог, такое здарыцца, але стануць на абарону роднай Айчыны", - сказаў ён.-0-