Юрый Сянько. Фота ФПБ
1 мая, Мінск /Кар. БЕЛТА/. За 120 гадоў прафсаюзамі Беларусі набыты каласальны вопыт, заявіў карэспандэнту БЕЛТА старшыня Федэрацыі прафсаюзаў Беларусі Юрый Сянько.
"Беларускія прафсаюзы - адны са старэйшых у свеце. За 120 гадоў набыты каласальны вопыт. Мы прайшлі многія этапы. Мяняліся формы работы, падыходы. І менавіта гэты вопыт дае магчымасць нам сёння з упэўненасцю гаварыць, што самы эфектыўны шлях выканання тых задач, якія стаяць перад прафсаюзамі, - гэта сацыяльны дыялог. Інакш дасягнуць рэальнага выніку ў пытаннях занятасці, заработных плат, сацыяльных гарантый для людзей немагчыма. Калі гаварыць не аб нейкіх разавых акцыях і вырашэннях адзінкавых пытанняў, а аб выбудоўванні сістэмнай работы, сацыяльных гарантыях і падтрымцы працоўных, якія дзейнічаюць на пастаяннай аснове, то такога выніку можна дабіцца толькі праз дыялог", - расказаў Юрый Сянько.
Самае важнае дасягненне - гэта пастаяннае ўмацаванне аўтарытэту і значнасці ФПБ у грамадстве, адзначыў Юрый Сянько. "Гэта вынік штодзённай практычнай работы прафсаюзаў. Сёння мы аб'ядноўваем абсалютную большасць работнікаў усіх галін. Маем эфектыўныя інструменты работы з сацыяльнымі партнёрамі: ад магчымасці праводзіць пастаянны грамадскі кантроль за выкананнем заканадаўства аб працы, аб ахове працы, прадстаўляць і абараняць інтарэсы работнікаў у судах у выпадку парушэння іх правоў - да непасрэднага ўдзелу прафсаюзаў у падрыхтоўцы нарматыўных прававых актаў па працоўных і сацыяльна-эканамічных пытаннях. Такіх прагрэсіўных і эфектыўных прыкладаў работы прафсаюзаў у свеце няшмат", - падкрэсліў ён.
"Федэрацыя аб'ядноўвае ў сабе 15 галіновых прафсаюзаў. І мы, вядома, вучымся адзін у аднаго. У кожнай галіны напрацоўваюцца свае спецыфічныя нюансы, звязаныя з заключэннем калектыўных дагавораў. Новыя рашэнні, прадыктаваныя часам, мы закладваем у калектыўныя дагаворы, якія даюць эфект для ўсіх удзельнікаў гэтага працэсу. З 24 тыс. пярвічных арганізацый у нас ужо больш за 18 тыс. калектыўных дагавораў. Асабліва апошнія 2-3 гады вельмі сур'ёзная дынаміка па колькасці заключаемых калектыўных дагавораў", - дапоўніў старшыня ФПБ.-0-
"Беларускія прафсаюзы - адны са старэйшых у свеце. За 120 гадоў набыты каласальны вопыт. Мы прайшлі многія этапы. Мяняліся формы работы, падыходы. І менавіта гэты вопыт дае магчымасць нам сёння з упэўненасцю гаварыць, што самы эфектыўны шлях выканання тых задач, якія стаяць перад прафсаюзамі, - гэта сацыяльны дыялог. Інакш дасягнуць рэальнага выніку ў пытаннях занятасці, заработных плат, сацыяльных гарантый для людзей немагчыма. Калі гаварыць не аб нейкіх разавых акцыях і вырашэннях адзінкавых пытанняў, а аб выбудоўванні сістэмнай работы, сацыяльных гарантыях і падтрымцы працоўных, якія дзейнічаюць на пастаяннай аснове, то такога выніку можна дабіцца толькі праз дыялог", - расказаў Юрый Сянько.
Самае важнае дасягненне - гэта пастаяннае ўмацаванне аўтарытэту і значнасці ФПБ у грамадстве, адзначыў Юрый Сянько. "Гэта вынік штодзённай практычнай работы прафсаюзаў. Сёння мы аб'ядноўваем абсалютную большасць работнікаў усіх галін. Маем эфектыўныя інструменты работы з сацыяльнымі партнёрамі: ад магчымасці праводзіць пастаянны грамадскі кантроль за выкананнем заканадаўства аб працы, аб ахове працы, прадстаўляць і абараняць інтарэсы работнікаў у судах у выпадку парушэння іх правоў - да непасрэднага ўдзелу прафсаюзаў у падрыхтоўцы нарматыўных прававых актаў па працоўных і сацыяльна-эканамічных пытаннях. Такіх прагрэсіўных і эфектыўных прыкладаў работы прафсаюзаў у свеце няшмат", - падкрэсліў ён.
"Федэрацыя аб'ядноўвае ў сабе 15 галіновых прафсаюзаў. І мы, вядома, вучымся адзін у аднаго. У кожнай галіны напрацоўваюцца свае спецыфічныя нюансы, звязаныя з заключэннем калектыўных дагавораў. Новыя рашэнні, прадыктаваныя часам, мы закладваем у калектыўныя дагаворы, якія даюць эфект для ўсіх удзельнікаў гэтага працэсу. З 24 тыс. пярвічных арганізацый у нас ужо больш за 18 тыс. калектыўных дагавораў. Асабліва апошнія 2-3 гады вельмі сур'ёзная дынаміка па колькасці заключаемых калектыўных дагавораў", - дапоўніў старшыня ФПБ.-0-
